Pakënaqësitë mes MD-së dhe KGJK/KPK-së, gjyqtarët duan pensionim në moshën 70 vjeçare

Edhe një herë tjetër ka pasur krisje raportesh mes Ministrisë së Drejtësisë dhe KGJK-së e KPK-së, këtë herë për ligjin për statusin e gjyqtarëve. Kërkesat e Këshillave të sistemit të drejtësisë po u duken të paarsyeshme MD-së dhe anasjelltas, kërkesat e MD-së institucioneve të drejtësisë

“Duan të zgjasin pesnionimin deri në moshën 70 vjeçare” ishte deklarata e zv ministrit të drejtësisë për gjyqtarët, Vigan Qorollit që alarmoi se mes institucioneve të drejtësisë ka sërish krisje.

Edhe një herë tjetër janë paraqitur mospajtimet mes MD-së e Këshillit Gjyqësor e Prokurorial.

Sigurimi shëndetësor, pensionimi i parakohshëm dhe i zgjatur deri në moshën 70 vjeçare,  pensionimi suplementar që i siguron atyre pas pensionimit një pagë të majme, janë problematikat që sipas MD-së nuk po tejkalohen, e të gjitha këto janë pjesë e draftit të Ligjit për statusin e gjyqtarëve, që e kanë hartuar dy këshillat.

“Përderisa ne si MD mendojmë që duhet të jetë një ligj i vecantë për integritetin kpk dhe kgjk nuk mendojnë kështu…Kgjk dhe KPK pothuajse e kushtëzuan punëtorinë dhe reformën pa u definu këto cështje, dhe realisht e kushtëzuan me privilegjet e tyre financiare, kjo mbetet për ne e papranueshme”, tha
Genc Nimoni-  Shef i Kabinetit të Ministres së Drejtësisë.

Por, kryesuesi i KGJK-së, thotë se atë që kanë propozuar ishte veç një draft preliminar e jo vendim final, për të cilin mund të diskutohej veçse këmbëngulin që një ligj duhet t’i përfshijë të gjitha çështjet. 

“Të gjithë ata që nuk e kuptojnë që pjesë e statusit të gjyqtarëve është pjesa e rekrutimit t gjyqtarit, zhvillimit në karrierë, cështja e avancimit dhe pensionimit, në fakt nuk kanë ide se cfarë është statusi i gjyqtarit, nuk mund të diskutohet për sttausin e gjyqtarit pa këto cështje, tani cilin model mund të zgjedhim, se a duhet të pensionhen në 65, 67 apo 70 kkjo është cështje që vendoset nga vlerësimi i përbashkët”, tha Albert Zogaj – Kryesues i Këshillit Gjyqësor të Kosovës.

Po të njëjtin shqetësim e kanë në KPK.

“Me këtë rast, përveç mospajtimit për zgjatjen e pensionimit mbi moshën 65-vjeçare të prokurorëve dhe gjyqtarëve, Ministria e Drejtësisë ka theksuar me këmbëngulje se nuk do të diskutojë fare as për çështjen e sigurimit shëndetësor jetësor të prokurorëve dhe gjyqtarëve, gjë që është një kërkesë legjitime për rregullimin e statusit të tyre. Pra, përfaqësuesit e Ministrisë së Drejtësisë nuk janë pajtuar që të përfshihen në legjislacionin e propozuar këto çështje jashtëzakonisht të rëndësishme, përfshirë edhe pensionin suplementar dhe imunitetin e prokurorëve dhe gjyqtarëve”, thonë nga Këshilli Prokurorial i Kosovës.

Në Institutin e Kosovës për Drejtësi, presin kompromise nga të dyja palët dhe përfshirje të ambasadave e shoqërisë civile.

“Zgjidhja më e mirë është ti kthehemi grupeve punuese edhe MD-ja edhe akterët e sistemit të drejtëissë, kgjk dhe kpk, dhe në nivel të diskutimeve të trajtohet kjo cështje që të ballafasqohen arguementet”, tha Lavdim Makshana Instituti i Kosovës për Drejtësi.

Për të vazhduar reforma e përbashkët e drejtësisë, KGJK-ja nuk pranon ligj të veçantë për integritetin pa u përfshirë statusi i gjyqtarëve, ndërkaq Ministria e Drejtësisë i ka bërë thirrje Këshillave që të marrin pjesë në punëtori dhe të shkojnë sipas deklaratës së përbashkët të zotimeve.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika