Portali Dukagjini ka arritur të sigurojë pamje nga vend ku ka ndodhur aksidenti ndërmjet një autobusi dhe një automjeti me targa të huaja. Në këtë aksident dy persona kanë humbur jetën.
Mëngjesin e së premtes, dy persona kanë mbetur të vdekur në magjistralen Podujevë – Prishtinë, si pasojë e një aksidenti i cili ka ndodhur rreth orës 05:00 të mëngjesit të së premtes.
Lajmin për portalin Dukagjini e ka konfirmuar zëdhënësja e Policisë për rajonin e Prishtinës, Flora Ahmeti.
Ajo ka thënë se në aksident përveç dy personave që kanë humbur jetën, ishin edhe dy fëmijë të cilët janë dërguar për tretman mjekësor.
“Si pasojë e aksidentit lëndime të rënda trupore kanë pësuar katër persona, dy prej tyre nuk kanë arritur t’i përballojnë plagët dhe të njëjtit kanë ndërruar jetë . Vdekjen e tyre e ka konstatuar ekipi mjekësor në vendngjarje. Trupat e viktimave: Sh.S, mashkull, 36 vjeç dhe M.S, femër, 35 vjeç janë dërguar për obduksion në Institutin e Mjekësisë Ligjore, ndërsa dy personat tjerë të lënduar (fëmijë) janë dërguar për tretman mjekësor”, ka thënë Ahmeti për Portalin Dukagjini.
Specialistja e emergjencës në QKUK, Valbone Gashi, ka treguar se fëmijët të cilët kanë qenë pjesë e aksidentit Prishtinë-Podujevë janë jashtë rrezikut për jetë dhe po shqyrtojnë se ku duhet t’i dërgojnë për trajtim në reparte të tjera.
Ajo ka bërë të ditur se njëri fëmijë ka lëndime të kokës e tjetri lëndime të ekstrimiteteve të poshtme.
Aksident i rëndë në magjistralen Podujevë – Prishtinë, vdesin dy persona