Partia Popullore e Spanjës zgjedh liderin e ri

Të shtunën, Partia Popullore Konservatore e Spanjës ka zgjedhur Alberto Nuñez Feijoo si udhëheqësin e saj të ri, ka bërë të ditur “Reuters”.

Me shpresën për të rifituar votuesit nga një e djathtë ekstreme në rritje dhe për të forcuar pozicionin e saj gjithnjë e më të lëkundur, si forca kryesore opozitare e vendit, politikani spanjoll, Alberto Nuñez Feijoo, do të jetë figura më e re përfaqësuese e partisë së lartcekur. Njëherësh, ai ishte kandidati i vetëm i kësaj partie.

”Faleminderit që më zgjodhët mua si president të PP. Gjëja vërtet e rëndësishme tani është të vazhdojmë së bashku, në mënyrë që spanjollët të na zgjedhin për të ardhmen,” ka thënë ai në një konferencë, të shtunën, në Sevilje.

Në zgjedhjet e fundit kombëtare, në nëntor 2019, PP mezi fitoi 5 milionë vota, krahasuar me 10.9 milionë të mbledhura në vitin 2011. Zgjedhjet e ardhshme do të zhvillohen në fund të vitit 2023.

 

Feijoo fitoi 98.35% të votave, duke e sjellë PP-n në “lavdinë e dikurshme” pas një skandali të brendshëm që rrëzoi liderin e mëparshëm Pablo Casado.

Për plot 13 vjet, fitimtari Feijoo ka udhëhequr Galicinë, rajonin veriperëndimor të vendit, pas fitimit të katër zgjedhjeve rajonale radhazi.

 

Shija e redaktorit

TV Dukagjini transmeton ekskluzivisht ndeshjen Peja vs Besëlidhja

Basketbolli rikthehet në TV Dukagjini. Peja vs Besëlidhja, ndeshja parasezonale do të transmetohet direkt në TV Dukagjini të shtunën, nga ora 17:00. Një nga skuadrat më...

Presidentja Osmani dekreton harmonizimin e listës së organizatave terroriste me...

Presidentja e Republikës së Kosovës, Vjosa Osmani, ka dekretuar sot harmonizimin e listës së organizatave të huaja terroriste me urdhrat ekzekutivë të presidentit amerikan,...

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Të fundit nga rubrika