Peja ka korrur fitore bindëse në ndeshjen e dytë finale të plejofit ndaj Trepçës.
Të dielën e 7 majit, Peja mposhti Mitrovicën në palestrën e sporteve “Karagaqi”, me rezultat 107:79.
Çereku i parë përfundoi me shifrat 32:14. Edhe çereku i dytë foli në të mirë të vendasve, të cilin e fituan me rezultat 25:18, e për të shkuar në pushim me epërsi prej 25 pikësh, 57:32.
Ndërkaq, çereku i tretë përfundoi me shifra të barabarta 24:24, derisa ai i fundit ishte në të mirë të vendasve me rezultat 26:23, për rezultatin përfundimtar 107:79.
Më i dalluari në këtë sfidë ishte Jalen Tate i Pejës, i cili e mbylli ndeshjen me 22 pikë, tetë kërcime e 10 asistime.
Te Trepça u dallua Drilon Hajrizi me 18 pikë, tetë kërcime e dy asistime.
Ndeshja e tretë do të zhvillohet të enjten në Mitrovicë, në palestrën “Minatori”.