Në episodin final të emisonit N’Shej, për herë të dytë garuesit janë barazuar me pikë.
Pas sfidës së përzgjedhur në mes të Arbnor Spahiut dhe Ardian Dvoranit, pesë fishekë në distancë 110 metra sniper, u bë prapë një barazim në mes të dy garuesve të cilët luftojnë për vendin e parë.
Ndërsa, si sfidë e re për këta dy garues do të jetë, pesë fishekë me armën CZ SHADOW 2, sfidë kjo e cila do të vendosë për fituesin e këtij sezoni.
Përgjatë shtatë muajve në këtë emision me mbi 80 garues nga të gjitha trevat shqiptare, janë zhvilluar sfida tejet interesante.
Në emisionin N’Shej u zhvilluan gjuajtje të objektivave në distancë, ku është përfshirë një konkurrencë ekipore dhe individuale, e po ashtu edhe performanca e ekipit është vlerësuar duke përmbledhur rezultatet e anëtarëve të ekipit individual.
Në këtë episod, i cili do të jetë i fundit për këtë sezon, janë në garë katër finalistë ku njëri prej tyre do të marrë me vete çmimin e madh prej 500 eurosh.