Për herë të parë do të emërohet ambasadori i Arktikut

Sekretari i Shteteve të Bashkuara, Antony Blinken do të emërojë ambasadorin e parë të Arktikut, emërimi i të cilit është subjekt i miratimit të Senatit. Ky ambasador do të angazhohet me shtatë vendet e tjera të Arktikut duke përfshirë Kanadanë, Danimarkën, Finlandën, Islandën, Norvegjinë, Suedinë dhe Rusinë

Fotoilustrim

Duke marrë parasysh rritjen e aktvitetit ushtarak rus në rajon, Shtetet e Bashkuara po planifikojnë të emërojnë një Ambasador për Arktikun.

Një zëdhënës i Departamentit të Shtetit tha se ‘Ambasadori i Madh’ do të vendoset për të çuar përpara politikën e SHBA-së në rajonin polar verior. Të premten, shefi i NATO-s Jens Stoltenberg ka paralajmëruar për kërcënimin që paraqet Rusia në rajonet polare veriore.

Ambasadori i ri i SHBA-së do të angazhohet me shtatë vendet e tjera të Arktikut duke përfshirë Kanadanë, Danimarkën, Finlandën, Islandën, Norvegjinë, Suedinë dhe Rusinë si dhe me grupe indigjene dhe palë të tjera të interesuara, tha zëdhënësi i Departamentit të Shtetit, Vedant Patel.

Paqja dhe stabiliteti në rajon janë me “rëndësi strategjike kritike” për SHBA-në dhe një prioritet për Sekretarin e Shtetit Antony Blinken, shtoi ai.

Blinken së shpejti do të emërojë ambasadorin, emërimi i të cilit është subjekt i miratimit të Senatit. Ky njoftimi vjen pasi Rusia ka rritur praninë e saj pranë Polit të Veriut, ndërsa Kina ka ndërtuar stacione kërkimore në Arktik.

Sekretari i Përgjithshëm i NATO-s, Jens Stoltenberg, vizitoi Arktikun kanadez të premten e 26 gushtit , ku tha se aftësitë e Rusisë në veri janë një sfidë strategjike për aleancën ushtarake. Ai gjithashtu ka shprehur shqetësim për shtrirjen e Kinës në Arktik për kërkimin e anijeve dhe burimeve, raporton BBC.

“Pekini dhe Moska janë zotuar gjithashtu të intensifikojnë operacionin praktik në Arktik. Kjo është pjesë e thellimit të partneritetit strategjik që sfidon vlerat dhe interesat tona,” tha ai.

Lisa Murkowski, një senatore republikane për Alaskën, ka përshëndetur emërimin e një ambasadori të Arktikut duke thënë se ShBA kishte qenë i vetmi vend Arktik pa përfaqësim të përkushtuar diplomatik për rajonin në nivel ambasadori.

Ambasadori i ri do të zëvendësojë pozicionin e mëparshëm amerikan të Koordinatorit të Arktikut, të mbajtur nga diplomati i karrierës Jim DeHart.

Shija e redaktorit

ANIMA – udhëtim nëpër majat e letërsisë

Kolana ANIMA e shtëpisë botuese “Dukagjini” është një përmbledhje e librave më të mirë botërorë të letërsisë klasike, në kuptimin gjenuin të fjalës. E...

“Varfanjaku i Zotit”, botuar nga “Dukagjini” fitoi çmimin për përkthimin...

Libri “Varfanjaku i Zotit” i botuar nga shtëpia botuese "Dukagjini" ka fituar çmimin për përkthimin më të mirë të vitit 2022 në Panairin e...

Albina Kelmendi së shpejti me projekte të reja

Këngëtarja shumë e dashur për publikun Albina Kelmendi, me një zë dhe talent të jashtëzakonshëm, ka folur për projektet që është duke i realizuar. Në...

Më të lexuarat

Lirohen nga paraburgimi tri infermieret e dyshuara për sulmin ndaj...

Gjykata Supreme e Kosovës ka liruar nga paraburgimi tri infermieret me inicialet A. P.,  A.R., si dhe R. (A.) K., në rastin e sulmit...

Përfundon seanca ndaj infermiereve, prokuroria kërkon paraburgimin e tyre (VIDEO)

Ka përfunduar seanca gjyqësore për caktimin e masës së sigurisë ndaj tri infermiereve të cilat dyshohen se e kanë keqtrajtuar një grua në Qendrën...

Ibrahim Tatlises pas aksidentit këndon këngë popullore në spital

Këngëtari i njohur turk, Ibrahim Tatlises, i cili mbeti i bllokuar në automjet si pasojë e një aksidenti trafiku në Bodrum Yalikavak në Turqi,...

Të fundit nga rubrika