Shaip Kamberi, deputeti shqiptar në parlamentin e Serbisë, ka njoftuar se nxënësit e Luginës po ndihmohen nga Qeveria e Republikës së Kosovës.
Ai përmes një postimi në faqen e tij zyrtare në Facebook, tregon se ndarja e mbi 254 mijë eurove për nxënësit e Luginës është angazhim që po vazhdon.
“Me vendimin për ndarjen e 254,562.30 € për pajisje me tekste mësimore në gjuhën shqipe për nxënësit shqiptarë që vijojnë mësimin në gjuhën shqipe në shkollat fillore, në Luginë të Preshevës, Qeveria e Republikës së Kosovës po vazhdon angazhimin për Luginën”, ka shkruar Kamberi.
Kamberi thekson se me këtë vendim që ka marrë Qeveria e Kosovës, i ka kursyer prindërit e nxënësve të Luginës sepse u ka mundësuar furnizimin me tekste shkollore pa pagesë, gjersa thekson se ndihma si këto duhet të vazhdojnë.