Drejtori ekzekutiv i Ligës Qytetare Shqiptaro-Amerikane, Faton Bislimi ka njoftuar se përfaqësuesit e Luginës së Preshevës kanë qenë në OKB për herë të parë.
“Sot, bashkë me delegacionin nga Lugina e Preshevës u pritëm në Zyren e Ndihmës Sekretarit të Përgjithshëm të OKB-së nga z. James Turpin, Drejtor për Paqe të Qëndrueshme, me të cilin u dakorduam që çështja e të drejtave të shqiptarëve etnikë në Luginë do adresohet në të gjitha mekanizmat përkatëse të OKB-së!”, ka shkruar Bislimi.
Sipas tij, kjo është edhe “një goditje e radhës për propagandën e Beogradit pas brifingut dhe takimeve të nivelit më të lartë që kishim në Senatin e Kongresin e SHBA-ve në Washington, DC”.
Bislimi ka thënë se ky takim vjen si rezultat i letrës së tij dërguar sekretarit të përgjithshëm të OKB-së, Guterres, për Luginën, më 24 tetor 2022, në 77-vjetorin e OKB-së.