Një banesë është përfshirë nga zjarri në lagjen “Bregu i Diellit” në Prishtinë.
Lajmin për Dukagjinin e ka konfirmuar zëdhënësja e Policisë për Rajonin e Prishtinës, Flora Ahmeti.
“Sot rreth orës 12:30, kemi pranuar informatën për një incident zjarri në lagjen ‘Bregu i diellit’ në Prishtinë, ku nga zjarri është përfshirë një banesë. Në vendngjarje kanë dalë zjarrfikësit dhe policia, të cilët po merren me rastin”, ka thënë ajo.
Gjithashtu, ajo ka bërë të ditur se nuk raportohet për ndonjë person të lënduar.