Në Parlamentin e Shqipërisë të hënën e 30 tetorit pati përleshje fizike, ku opozita shqiptare ka zgjedhur rrugën e bojkotit në Kuvend.
E për këtë Komisioni i Etikës një ditë më pas ka vendosur të bëjë përjashtimin e disa deputetëve të opozitës që mbështesin Sali Berishës.
Bledion Nallbati, Gazment Bardhi, Flamur Noka, Edi Paloka dhe Albana Vokshi u përjashtuan për 10 ditë. Ndërkaq, deputeti tjetër i Partisë Demokratike, Saimir Korreshi, u përjashtua për 3 ditë.
Edhe në mbledhja e sekretariatit – ku u përjashtuan 6 nga 7 deputetët e Partisë Demokratike – është shoqëruar me debate të shumta pasditen e së martës, gjersa deputetët e opozitës kanë kërkuar që mbledhja të jetë e hapur për mediat.
E deputeti i PD-së, Flamur Noka, në një moment përpara se të bojkotonte mbledhje ka shkulur mikrofonat e kryetares Klotilda Bushka që e ka detyruar këtë të fundit të ndërpresë përkohësisht mbledhjen, shkruan “Euronews Albania”.
Të hënën, seanca plenare nisi dhe përfundoi me tensione, madje pati edhe përplasje fizike. Deputeti demokrat, Bledion Nallbati u përplas dhe goditi me grusht deputetin e partisë Socialiste, Vullnet Sina, teksa ky i fundit mori fjalën nga vendi i tij.