Mendimet dhe vlerësimet që Rexhep Qosja kishte ndaj për veprimtarin Adem Demaci, janë përmbledhur në një libër të shkruar nga Selatin Novosella.
Në 5 vjetorin e vdekjes së Demaçit, Novosella ka përuruar librin që përmban 96 shkrime, e për disa prej tyre foli vet autori.
“Profesor Qosja thotë inteligjenca jonë shqiptare nuk do të bënte mirë të harronte, se Adem Demaçi ka bërë burgje, kur shumë kush prej nesh ka bërë karrierë politike e profesionale, ka folur të madhe kur shumica prej nesh kemi heshtur, ka shqiptuar të vërtetën kur shumë kush prej nesh nuk ka përtuar të shkruaj dhe ta shqiptojë gënjeshtrën”, ka thënë ai.
Fjalë të mira thanë referuesit e librit, të cilët edhe shpalosë përmbajtjen e tij dhe rëndësinë që kanë.
“Flet e shkruan me respektin më të lartë me konsideratë të jashtëzakonshme…profesori shumë i nderuar Rexhep Qosja, për Adem Damcin simbolin e rezistencën kombëtare, flet e shkruan për dënimet e tij për burgjet e tij për qëndresën e tij titanike, për krijimtarinë e tij arstisitike, për mendimin e qartë artistik”, ka deklaruar Ramë Buja – Referues i librit.
Këtu nuk munguan as kritikat për institucionet, që nuk bënë sa duhet për të nderuar veprën e Demacit.
“Këto tekste vijnë në shkrimet e profesorit si vlerësim, për liderin e pashpallur politik të shqiptarëve, por edhe si mbështetje e rrallë për idet e tij vizionare madje në periudha kur Demaci, ishte pothuajse i anatimuar, i vetmuar dhe përgjithësisht i shpërfillur nga politika ditore”, ka thënë Hysen Matoshi – Drejtues i Institutit Albanologjik.
Selatin Novosella ishte shok qelie me Demaçin, derisa i veprimtari tashmë i ndjerë, kishte qëndruar gjithsej mbi 28 vjet në burgje serbe.