Policia në Louisville të Shteteve të Bashkuara të Amerikës (SHBA) ka konfirmuar se së paku pesë persona janë vrarë nga të shtëna me armë zjarri në një bankë.
Një person i armatosur ka hapur zjarr të hënën në një bankë në qendër të Louisville-it, duke shkaktuar vdekjen e 5 personave, ndërsa ai plagosi edhe një polic.
Sulmuesi është vrarë më pas.
Ndërsa gjashtë persona të tjerë janë dërguar me urgjencë në Spitalin Universitar të Louisville-it, përfshirë edhe policin, ka thënë zëvendësshefi i Policisë së Louisville-it, Paul Humphrey.
Për detaje se nëse sulmuesi ka vdekur nga plagët që ka marrë nga të shtënat me policinë, apo ka kryer vetëvrasje nuk dihet akoma.
Me këtë rast, Policia e Louisville-it u ka bërë thirrje qytetarëve të qëndrojnë larg zonës.
We are confirming reports of an active aggressor in the 300 block of East Main. Please stay out of the area. There are multiple casualties.
— LMPD (@LMPD) April 10, 2023