Një peticion për largimin e yllit francez të futbollit, Kylian Mbappe nga Real Madridi ka arritur shifrën prej afër 30 milionë nënshkrimesh, duke u përmendur si një nga peticionet më të nënshkruara ndonjëherë në botë.
Sipas pretendimeve që po qarkullojnë, kjo shifër do ta tejkalonte edhe një nga rekordet e regjistruara në Librin e Rekordeve Guinness për peticionet me më shumë nënshkrime.
Megjithatë, ende nuk ka një konfirmim zyrtar nga organizata Guinness për këtë rast.
Rasti ka marrë vëmendje të madhe në rrjete sociale, ku tifozët e futbollit po e shpërndajnë masivisht lajmin.
Peticioni mund të nënshkruhet vetëm me një klikim, prandaj jo të gjitha 30 milionë nënshkrimet besohet se janë nga tifozët e Real Madrid.
