Poeti Xhevdet Bajraj do të varroset të enjten e 30 qershorit në varrezat e qytetit të Rahovecit.
Lajmin e ka bërë të ditur Smajl Latifi, Kryetari i Komunës së Rahovecit. Latifi ka shtuar se trupi i poetit është kremuar në Meksikë.
Kryetari i Komunës së Rahovecit nëpërmjet një postimi në Facebook njofton se varrimi i të ndjerit do të fillojë në orën 16:00.
Në nder të poetit Xhevdet Bajraj do të mbahet orë poetike dhe mbledhje komemorative.