Shqetësime janë shprehur nga ana e shefit të EULEX-it në Kosovë, Giovanni Pietro Barbano, lidhur me kërcënimet që policët e rinjë serbë kanë pranuar pas nisjes së detyrës në veri.
Me anë të një postimi në Twitter, ai ka deklaruar se çdolloj frikësimesh mbesin të papranueshme.
“Jam shumë i shqetësuar për raportimet e mediave në lidhje me mesazhet kërcënuese kundër policëve të sapodislokuar të Policisë së Kosovës nga komunitetet joshumicë. Çdo lloj frikësimi është i papranueshëm dhe theksoj rëndësinë që Policia e Kosovës reflekton dhe përfaqëson tërë popullatën e Kosovës”, ka shkruar ai.
I am very concerned about media reports regarding threatening messages against newly deployed Kosovo Police Officers from non-majority communities.
Any kind of intimidation are unacceptable, and I stress the importance Kosovo Police reflect and represent entire Kosovo population.— Giovanni Pietro Barbano (@EulexHoM) July 25, 2023
Në mesin e mbi 400 kadetëve të rinj të Policisë së Kosovës, 45 prej tyre i përkasin edhe komunitetit serb. Disa prej këtyre të fundit tashmë kanë nisur punën e tyre në komunat në veri të vendit.
Të njëjtit janë përballur me linçime në internet.
Policët e rekrutuar serbë fillojnë punën në veri, linçohen në rrjete sociale
Kujtojmë që Policët e komunitetit serb janë larguar nga Policia e Kosovës gjatë nëntorit të kaluar, duke i zhveshur uniformat e tyre si akt i parë i largimit nga institucionet.