Të mërkurën e 18 janarit është arrestuar një person serb që po kërkohej nga Policia e Kosovës.
“Me datën 18.01.2023 rreth orës 16:25, në Pikë e Kalimit Kufitar-Jarinje, është ndaluar personi M. C., mashkull/serb, i lindur në vitin 1982 në Beograd”, thuhet në njoftimin e PK-së.
Lidhur me rastin të gjitha veprimet e mëtejme, do të ndërmerren në bashkëpunim dhe koordinim me organet e drejtësisë.
Policia ka njoftuar se i njëjti po kërkohej me urdhërarrest nga Gjykata Themelore në Mitrovicë pasi ishte i dënuar për veprën penale mashtrim.
“I njëjti është ndaluar me që kërkohej me urdhër arrest nga Gjykata Themelore në Mitrovicë, pasi ishte dënuar më parë nga e njëjta gjykatë me 350 euro, zëvendësuar me 17 ditë burgim, për veprën penale mashtrim”, theksohet në njoftimin e PK-së.