Është arrestuar nga Policia e Kosovës një i dyshuar serb i cili ishte i kërkuar me urdhër-arrest ndërkombëtar të lëshuar nga Interpol.
Sipas njoftimit të Policisë thuhet se ky arrestim është bërë nga “ILECU-FAST Kosova”, në koordinim me Drejtorinë e Migrimit,
“Personi i dyshuar J.P., (viti I lindjes 1995, mashkull shtetas serb), kishte rezultuar i kërkuar me urdhër-arrest ndërkombëtar të lëshuar nga Interpol. Me vendim të prokurorit kujdestar, i dyshuari është ndaluar për 48 orë, ku më pas do të vazhdohet me procedurat e parapara për rastet e tilla”, njofton Policia e Kosovës.
Tutje në njoftim thuhet se Policia e Kosovës mbetet e përkushtuar në parandalimin dhe luftimin e të gjitha dukurive të kundërligjshme në vend, përfshirë edhe forcimin e bashkëpunimit policor në rrafshin ndërkombëtar.