Pas ngjarjes në Himarë, për të rritur parametrat e sigurisë në plazhe, policia detare ka filluar operacionet në të gjithë vijën bregdetare.
Ky operacioni ka zgjatur katër ditë. Përgjatë këtyre ditëve është verifikuar dokumentacioni i rreth 200 mjeteve lundruese dhe argëtuese. Në operacion janë përfshirë Policia Kufitare, Delta Forcë, Policia e Rendit, Forcat e Posaçme “Shqiponja” dhe Policia Kriminale.
Operacioni nga policia detare ka për qëllim kontrollin e të gjitha mjeteve lundruese. Mjetet lundruese që shërbejnë për turizëm janë verifikuar dhe kanë rezultuar të rregullta.
Nga verifikimet e kryera deri më tani, 25 mjete lundruese janë bllokuar sepse nuk kanë pasur dokumentacion të rregullt.
Po ashtu, nga fillimi i këtij sezoni janë zhvilluar 22 operacione policore për lirimin e hapësirave të zëna, dhe si rezultat i këtyre operacioneve janë sekuestruar 2 mijë e 455 çadra e shezlongë, si dhe janë proceduar penalisht 26 persona.