Të shtëna me armë zjarri janë dëgjuar në Klinë të martën, ku një person është arrestuar si i dyshuar për tentim vrasje.
Policia e Kosovës ka njoftuar se i dyshuari kishte shtënë në drejtim të viktimës, por nuk e kishte qëlluar atë.
Siç thuhet në njoftimin e Policisë, në vendin e ngjarjes është konfiskuar një gëzhojë e armës së zjarrit, e rasti po hetohet si “Vrasje në tentativë”.
“Është arrestuar i dyshuari mashkull kosovar, pasi dyshohet se i njëjti kishte shtënë me armë zjarri në drejtim të viktimës mashkull kosovar, por nuk e kishte qëlluar atë. Në vendin e ngjarjes në cilësi të provës materiale është gjetur dhe konfiskuar një gëzhojë e armës së zjarrit. Rasti në procedurë”, thuhet në raportin 24-orësh të PK-së.