Policia e Kosovës ka kërkuar ndihmë nga qyetarët për identifikimin e disa personave të dyshuar në Prishtinë.
“Njësiti i hetimeve të stacionit Jugu në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave të dyshuar që shihen në fotografi”, njofton Policia e Kosovës.
Policia njofton se këta persona po kërkohen për përfshirje në një rast të zjarrvënies, që është raportuar në fund të muajit mars në Prishtinë.
“Personat kërkohen për përfshirje në një rast të zjarrvënies, që është raportuar në fund të muajit mars Prishtinë”, thuhet tutje në njoftimin e Policisë.