Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje.

Lajmin për Portalin Dukagjini e ka konfirmuar zëdhënësi i Policisë së Kosovës për rajonin e Pejës, Driton Rugova.

“Po është arrestuar. Të njëjtit me vendim të prokurorit i është caktuar masa e ndalimit për 48 orë”, ka thënë Rugova.

Të martën, Policia e Kosovës kishte shpallur në kërkim xhudistin Akil Gjakova si të dyshuar për veprën penale dhunë në familje.

U shpall në kërkim nga Policia, reagon Akil Gjakova

Policia e Kosovës përmes një komunikate për media ka kërkuar bashkëpunimin e qytetarëve në lokalizimin dhe arrestimin e Gjakovës.

“Personi i kërkuar është:  AKIL (Luan) GJAKOVA i lindur me 04.01.1996 nё Pejë.

I pandehuri është i kërkuar për veprën penale: “Dhunё nё familje””, thuhet në njoftim.

“Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, vijon njoftimi.

Ndryshe, Prokuroria Themelore në Pejë ka kërkuar arrestimin dhe marrjen e masave ligjore ndaj xhudistit kosovar.

Është bërë e ditur se ai dyshohet se ka ushtruar dhunë ndaj gruas së tij.

Në një përgjigje për Dukagjinin, zëdhënësi i prokurorisë së Pejës, Shkodran Nikçi, ka dhënë më shumë detaje.

“Prokurori i shtetit ka pranuar një procesverbal te një kontesit civil nga gjyqtari dhe është njoftuar nga avokatja e palës së dëmtuar se ka element të veprës penale të dhunës në familje. Menjëherë është autorizuar Policia e Kosovës nga Prokurori i shtetit për arrestimin e të dyshuarit dhe marrjen e masave ligjore ndaj tij”, ka thënë Nikçi.

Shija e redaktorit

Aksioni i Policisë në veri, konfiskohen rreth 74 milionë dinarë

Policia e Kosovës ka shpalosur detaje shtesë lidhur me aksionin e zhvilluar gjatë ditës së sotme në veri të vendit. Sipas njoftimit të Policisë së...

Melinda Ademi publikon projektin e ri “Kiss me”

Këngëtarja e njohur, Melinda Ademi, ka publikuar projektin e saj më të ri me titullin “Kiss Me”. Kënga e publikuar është me melodi dhe tekst...

Dafina dhe Ylli vazhdojnë t’i “trazojnë ujërat”, pozojnë me...

Këngëtarja e njohur, Dafina Zeqiri, sot ka kapur vëmendjen e të gjithëve me postimin e saj të fundit në rrjetin social "Instagram". "Duar të bashkuara"...

Të fundit nga rubrika