Këngëtarja me prejardhje nga Prishtina, e me renome ndërkombëtare, Rita Ora ka publikuar projektin e saj më të ri muzikor i titulluar “Praising You” dhe që është bashkëpunim me artistin Fatboy Slim.
Ora ka paralajmëruar poashtu edhe albumin e saj më të ri, i cili do të vjen me 14 korrik.
Ajo e ka bashkëshkruar secilën nga këngët e koleksionit të ri.
Tutje, Ora ka theksuar se “ky album vërtet ka kuptim të madh për mua”,
“Është si ditar i viteve të fundit të jetës sime, është muzika ime dhe më bën të ndihem e vërtetë se kush jam unë sot”, ka shkruar Ora.
Rita Ora do të jetë performuese e ftuar në gjysmëfinalen e Eurovizionit 2023, që do të zhvillohet në Liverpool muajin e ardhshëm.