Të martën e 14 marsit është bërë prezantimi i planit të detajuar për spitalin e kryeqytetit.
Këtë e ka njoftuar kryetari i Prishtinës, Përparim Rama.
Rama ka njoftuar se ndërtimi i tij pritet të fillojë këtë vit dhe se tashmë është ndarë parcela në Prishtinën e Re si dhe buxheti prej 1.3 milionë eurove.
“Spitali i Prishtinës po vjen! Sot u bë prezantimi i planit të detajuar për Spitalin Gjeneral të Prishtinës, ndërtimi i të cilit pritet të fillojë këtë vit! Për Spitalin janë ndarë parcela në Prishtinën e Re dhe buxhet prej 1.3 milionë euro”, ka thënë Rama.
Kryetari i Prishtinës ka njoftuar tutje se spitali do t’i ketë 200 shtretër, me këto departamente kryesore: kirurgjia, internistika, gjinekologjia dhe pediatria.
“Faleminderit partnerëve tanë nga ICME, për punën fantastike në krijimin e një objekti të denjë që do të plotësojë të gjitha kushtet e qytetarëve të Prishtinës”, ka përfunduar i pari i Prishtinës.