Prezenca e madhe e Policisë në veri është “faktor kryesor” i krimit në Prishtinë, thotë Qalaj i PDK-së

Deputeti i PDK-së, Rashit Qalaj, ka deklaruar se një nga faktorët kryesorë të rritjes së krimit në Prishtinë është koncentrimi i Policisë së Kosovës në veri të vendit. Ai ka kërkuar një prezencë më të madhe dhe më të rreptë të Policisë në Prishtinë, veçanërisht pas një incidenti të fundit ku dy persona u vranë

Njëri nga faktorët kryesor të rritjet se krimit në kryeqytet është prezenca dhe koncentrimi i Policisë së Kosovës në veri të vendit.

Kështu ka deklaruar deputeti i PDK-së, Rashit Qalaj, i cili kërkon prezencë më të madhe dhe më të rreptë të Policisë në Prishtinë – pas ngjarjes së fundit, ku dy persona kanë mbetur të vrarë si pasojë e një incidenti me armë zjarri në mes dy grupeve në Kolovicë.

“Kur folim për sigurinë në Kosovën krejt populli po mendon për veriut, ndërsa në Prishtinë nuk ka ditë që nuk vrahet apo plagoset dikush. Dhe mendoj që është e papranueshme që në Prishtinë të mos kemi prezencë më të madhe në lokacione të ndryshe të Policisë, të njësive të saj elite. Nuk mjaftojnë vetëm patrullat, mirëpo mjafton që Policia të ketë plane operative edhe një sit ë reagimit të shpejt dhe njësite hetuese që këto ngjarje të mos na ndodhin”, ka thënë Qalaj në “FIVE” të Dukagjinit.

Qalaj ka kërkuar edhe ashpërsime të dënimeve nga gjykatat për recidivistët.

“Prishtina ka pasur grupe gjithmonë, ka pasur individë gjithmonë. Janë trajtuar mjaftë mirë, dhe janë dënuar në gjykata. Pastaj e vuajnë dënimin dhe lirohet dhe pastaj mirren me veprimtari kriminale. Dhe mendoj që vetëm prezencë më madhe e policore dhe një reagim me shpejtësi do të zvogëlojë. Mendoj që Policia por edhe Prokuroria dhe Gjykatat, se kur ke një person që ka kryer disa vepra penal dhe dënimi duhet të jetë më i madh.

Është një nga faktorët kryesor (prezenca e madhe e Policisë në veri). Mirëpo edhe se si e sheh drejtori i përgjithshëm ndaj këtyre akteve. Varet prej tij dhe stafit se si e harrojnë një plan operativ”, ka shtuar Qalaj.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika