Pritet takimi në mes të Kurtit dhe Krasniqit

Kryeministri i Kosovës, Albin Kurti, pritet të takohet me kryetarin e PDK-së, Memli Krasniqin, ndërkohë që krerët e LDK-së dhe AAK-së kanë refuzuar ftesën për takim

Kryetari i Partisë Demokratike të Kosovës (PDK), Memli Krasniqi dhe Kryeministri i Kosovës, Albin Kurti.

Kryeministri i Kosovës, Albin Kurti, pritet të takohet këtë të hënë me kryetarin e Partisë Demokratike të Kosovës, Memli Krasniqin, i cili ishte i vetmi nga tre liderët opozitarë që e ka pranuar ftesën për takim.

Kurti ka bërë të ditur se në këtë takim synohet të diskutohet agjenda legjislative, ndërsa përfaqësuesi i PDK-së, Krasniqi, ka përmendur se do të diskutohet edhe caktimi i datës së zgjedhjeve.

Takimi është planifikuar të mbahet në orën 18:30.

Megjithatë, Lidhja Demokratike e Kosovës dhe Aleanca për Ardhmërinë e Kosovës kanë refuzuar ftesën për këtë takim, duke theksuar dallimet në prioritetet politike.

Ndonëse ftesa në takim u shkoi të gjithëve për një darkë pune lidhur me plotësimin e agjendës legjislative për sezonin pranveror në Kuvendin e Kosovës, vetëm Krasniqi personalisht është përgjigjur pozitivisht për pjesëmarrje, ndërsa, LDK-ja dhe AAK-ja kanë thënë se me këto tema merren krerët e grupeve parlamentare dhe jo kryetarët e partive.

Refuzimet për takime të liderëve të partive opozitare shihen si krejt normale.

Sipas ish-diplomatit Blerim Canaj, Kurti ka qenë lideri i vetëm që për asnjë temë nuk ka gjetur konsenus me partitë në Kosovë.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika