Qendra Kombëtare për Menaxhim Kufitar ka publikuar të dhënat e fundit mbi vendkalimet kufitare.
Sipas këtyre të dhënave, edhe gjatë ditës së hënë pika kufitare me Serbinë, Dheu i Bardhë, vazhdon të jetë më e ngarkuar, tashmë kolonat janë krijuar në dalje të kësaj pike, qytetarët po presin deri 30 minuta për të dalë nga Kosova.
Ndërsa, në hyrje te vendkalimi kufitar Dheu i Bardhë nuk raportohet për kolona, ku qytetarët brenda pesë minutash mund të hyjnë në Kosovë.
Vendkalimet e tjera kufitare janë të qeta dhe se deri tani nuk janë krijuar kolona. Dalja dhe hyrja në Kosovë mund të bëhet nga tre deri në 10 minuta.
