Problemet që shkakton gjëndra tiroide

Gjëndra tiroide është një gjëndër me sekretim të brendshëm, e vogël, në formën e fluturës dhe e vendosur në pjesën e poshtme të qafës. Si gjëndër me tajim të brendshëm, ajo prodhon hormone nën ndikimin e jodit të cilin e sigurojmë me anë të ushqimeve.

Për funksionimin e rregullt të saj, është mjaftë i rëndësishëm niveli i jodit në organizëm. Niveli i lartë i estrogjenit është tjetër faktor që ndikon në prodhimin e hormoneve të tiroides, parazitëve të zorrëve e të tjerë.

“Mungesën e jodit, tashmë, e marrim nga kripa e kuzhinës pasi ajo është e jodizuar”, ka thënë internistja, endokrinologia e diabetologia Arita Haxhiu, e cila shton që trajtimi i kësaj problematike varet nga stadi mjekësor në të cilën ndodhet pacienti.

Pacientët ankohen për lodhje, shtim në peshë, dobësi trupore. Mund të kenë flokë të hollë, lëkurë të thatë, thonj që këputen shpejt, ndryshime në ciklin hormonal tek femrat dhe intolerantë ndaj të ftohtit. Një karakteristikë e deficiencës jodike është dhe zmadhimi i tiroides, shfaqja e të ashtuquajturës strumë që shpeshherë i sjell pacientët te mjeku. Në varësi të madhësisë së strumës, pacienti mund të manifestojë edhe simptoma të tjera si vështirësi për t’u gëlltitur (disfagi), ulje e kapacitetit për ushtrimet dhe ngjirje zëri etj.

Te fëmijët Jodi është një element kyç në zhvillimin e sistemit nervor qendror prandaj një kujdes i veçantë duhet treguar tek nënat shtatzana, në të cilat funksioni i tiroides duhet të jetë brenda normës.

Këta pacientë janë shpeshherë nervozë, të irrituar, anksiozë, kanë dridhje trupi të shprehur dhe dridhje te duarve. Çrregullimet e humorit janë të shpeshta dhe ankojnë në lodhje dhe dobësi trupore të shprehur. Mund të kenë rritje të rrahjeve të zemrës (takikardi) ose edhe çrregullime të ritmit si rezultat i rritjes së prodhimit të hormoneve të tiroides. Ankojnë për një rënie të shprehur në peshë dhe intolerancë ndaj të nxehtit. Shpeshherë mund të vënë re zmadhimin e tiroides në formën e një nodusi mbi sipërfaqen e lekurës.

Probleme të tilla hasin edhe gratë shtatzëna. Përveç se duhet të testohet në stadet e para të shtatzanisë, gjëndra tiroide mund të jetë problem edhe për aborte, menstracione dhe progresin që mund të ketë shtatzania.

“E kam praktikuar, që çdo gruaje shtatëzënë t’i propozoj analizat e kësaj gjëndre”, ka thënë Drita Kabashi, gjinekologe.

Vlen të përmendet që në mungesë të kësaj gjëndre, duhet të merret terapia kronike gjë e cila nënkupton që hormoni do të duhej të zëvendësohej me anë të medikamenteve.

Rrjedhimisht, me problemet që shfaqen, problemet me lëkurën janë diçka e pashmangshme.

“Lëkura është organ i ndjeshëm”, ka thënë dermatologia, Dafina Krasniqi, e cila paralajmëron shfaqjen e akneve. Këto të fundit, do t’u ndihmonte përdorimi i vitaminës e cila mban të lëngshme lëkurën duke mos e lënë të thahet. Ajo shton që flokët, gjithashtu, do të prekeshin nga ky problem duke mos u rritur më.

Andaj, ushqimet që përmbajnë jod siç janë produktet e detit, arrat, e kuqja e vezës janë ato që ju duhet të mos i largoni nga dieta ushqimore. Ndërkaq, reduktoni ushqimet jeshile si lulelakrën, brokolin, ngase këto parandalojnë tiroiden të kapë jodin, glutenin dhe qumështin e sojës.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Sulmohet seksualisht një fëmijë gjashtëvjeçar në Prishtinë – qytetarët përballen...

Vetëm të mërkurën e 27 korrikut të vitit 2022, janë raportuar tri raste të sulmeve seksuale ndaj të miturve. Prishtina, Obiliqi dhe Mitrovica, janë...

Të fundit nga rubrika