Kanë nisur hetimet për rastin që ndodhi të hënën e 4 marsit, ku dy persona e sulmuan fizikisht një tjetër e duke e lënë edhe të plagosur.
Raportohet se ka pasur edhe të shtëna me armë zjarri pranë familjes së njërit nga të dyshuarit për plagosje.
“Prokuroria Themelore në Prishtinë njofton opinionin publik se menjëherë pas marrjes së informatave për plagosjen e një personi në Prishtinë, kemi autorizuar Policinë e Kosovës për marrjen e veprimeve të nevojshme që konsistojnë në hetimin e rrethanave që karakterizojnë ngjarjen. Sigurojmë opinionin publik se në koordinim me hetuesit policorë kemi ndërmarr të gjitha veprimet hetimore për ndriçimin e plotë të rastit”, thuhet në njoftimin e Prokurorisë Themelore në Prishtinë.