Protesta të dhunshme në Dublin pas sulmit me thikë në afërsi të shkollës

Disa protestues u përleshën me policinë, dogjën vetura dhe plaçkitën dyqanet në Dublin, pasi tre fëmijë u plagosën nga një sulm me thikë në afërsi të një shkolle

Pjesëtarët e policisë përballen me protestuesit pranë një makine policie të djegur pas një sulmi me thikë në afërsi të një shkolle në Dublin. Irlandë, 23 nëntor 2023. Foto: Reuters

Disa protestues u përleshën me policinë, dogjën vetura dhe plaçkitën dyqanet në Dublin, pasi tre fëmijë u plagosën nga një sulm me thikë në afërsi të një shkolle.

Të pajisur me mjetet për protesta, policia ruajti rrugët e kryeqytetit irlandez ndërsa turmat brohorisnin dhe ndiznin fishekzjarre.

Pranë urës O’Connell, mbi lumin Liffey, zjarri doli nga një makinë dhe një autobus i djegur, ndërsa turmat hynë në dyqane dhe plaçkitën një nga rrugët kryesore tregtare të qytetit.

Këto trazira, të cilat po konsiderohen më të rëndat në Dublin ndër vite, erdhën pasi një vajzë pesëvjeçare pësoi lëndime të rënda nga një goditje që dyshohet të ketë qenë me thikë, në sheshin Parnell East në veri të Dublinit qendror.

Dy fëmijë të tjerë dhe dy të rritur, në mesin e të cilëve një grua dhe i dyshuari për sulmin, u dërguan në spital pas incidentit, rreth orës 13:30.

Policia e përshkroi sulmuesin si një burrë rreth të pesëdhjetave, ndërsa reagimet në mediat sociale për kombësinë e tij nxitën trazirat pas sulmit.

Shefi i policisë, Drew Harris, fajësoi një “grup të çmendur të drejtuar nga ideologjia e ekstremit të djathtë” dhe bëri paralajmërime kundër “dezinformatave”.

Disa protestues mbanin pankarta ku shkruhej “Jetët irlandeze kanë rëndësi” ndërsa valëviteshin flamuj irlandez nëpër një lagje në të cilën banojnë një komunitet i madh emigrantësh. /REL

Shija e redaktorit

Raporti për lirinë e medias vlerësohet alarm për shoqërinë dhe...

Në Ditën Botërore të Lirisë së Shtypit vendi ynë shënoi rënie për 19 vende në indeksin e lirisë së medieve nga “Reporterët Pa Kufij”....

Dorëzimi i donacionit PET-CT, Osmani takon sekretaren e organizatës Alwaleed...

Presidentja e Kosovës, Vjosa Osmani, i ka uruar mirëseardhje në Republikën e Kosovës, Princeshës Lamia Bint Majed Saud Alsaud, Sekretare e Përgjithshme e Alwaleed...

Zgjidhet ushtari më i mirë për vitin 2024

Këtë të premte është mbajtur ceremonia përmbyllëse e garës ndërkombëtare “Ushtari më i mirë 2024”, në Kazermën “Skënderbeu” në Komunën e Ferizajt. Tashmë janë shpallur...

Të fundit nga rubrika