Protestohet për tërheqjen e 30% të mjeteve të Trust-it

Protesta do të zhvillohet para ndërtesës së Qeverisë së Kosovës, rreth orës 12:00

Ilustrim

Të enjten e 26 majit do të protestohet për lejimin e tërheqjes së një përqindjeje të mjeteve të Trust-it pensional nga qytetarët.

Kështu kishte bërë të ditur përmes një postimi në llogarinë e tij në Facebook, deputeti i Partisë Demokratike të Kosovës, Bekim Haxhiu.

Protesta do të zhvillohet para ndërtesës së Qeverisë së Kosovës, rreth orës 12:00.

Ilustrim

Ndonëse nuk u miratua nga Komisioni për Buxhet, propozimi për tërheqjen e mjeteve nga Fondi i Kursimeve pensionale (Trust), do të shqyrtohet në Kuvendin e Kosovës pa aprovimin e këtij komisioni.

Disa nga deputetët opozitarë të këtij komisioni ishin pro, ndërsa votat e pushtetit ishin kundër.

Në anën tjetër, Verica Ceraniç e Listës Serbe ishte pro, ndërsa Duda Balje abstenoi.

Deputeti Haxhiu me vetiniciativë kishte dorëzuar në Kuvend Projektligjin për Fondet Pensionale të Kosovës, më nëntë mars.

Deputeti i Partisë Demokratike të Kosovës, Bekim Haxhiu

Mundësinë për tërheqjen e mjeteve monetare nga Trusti, kryeministri i Kosovës, Albin Kurti, nuk e ka parë si zgjidhje.

“E kemi thënë shumë më herët, edhe kur ishin në opozitë, edhe tani me pakon e ringjalljes ekonomike e zbusim krizën e cila për shkak se ka faktorë më të mëdhenj sesa në vendin tonë, nuk është e eliminueshme përnjëherë. Por, nuk konsiderojmë se duke marrë nga pleqëria individuale e punëtorëve të tanishëm, do të mund ta zgjidhim problemin. Edhe ekspertët kanë thënë se një zgjidhje e tillë nuk është zgjidhje”, kishte thënë ai para mediave.

Ndërkaq, një tërheqje e ngjashme deri në 10 për qind është bërë edhe në vitin 2020, pas përkeqësimit të gjendjes financiare të familjeve, për shkak të pandemisë COVID-19.

Nga Trusti ishin tërhequr afro 200 milionë euro nga mbi 420 mijë kontributpagues.

Tërheqja ishte bërë pas miratimit të Ligjit për rimëkëmbjen ekonomike.

Propozimi për tërheqjen nga Trusti shkon në Kuvend pa miratimin e komisionit

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika