Punimet ishte paraparë të përfundonin më 2021, ndërsa tani që është ë qershori i 2022-ës, punimet për rregullimin e hekurudhës së linjës 10 që përfundon në Han të Elezit ende nuka kanë përfunduar.
E sipas kompanisë që menaxhon me infrastrukturën hekurudhore “Infrakos”, punimet nuk përfunduan me kohë shkaku i pandemisë.
Por ushtruesi i detyrës së drejtorit të kësaj kompanie Zymer Zekaka thënë se afati për përfundimin e punimeve është zgjatur deri në fund të këtij viti.
“Kjo fazë është dështuar që të përfundojë në vitin e kaluar, por për shkake të COV-19 dhe problemeve të tjera siç janë, shpronësimet etj, kemi qenë të detyruar që t’ia vazhdojmë afatin për kryerjen e punimeve, por nuk i kemi ndryshuara asgjë në mënyrë financiarë dhe afati është deri të 31.12.2022” ka deklaruar, Zymer Zeka – UD Drejtor.
Ndërsa banoret e Hanit të Elezit janë duke kërkuar nënkalim që në vendin ku po bëhen punimet, të ketë një projekt për një vendkalim të ri, pasi sipas tyre mbikalimi që ekziston nuk i plotëson kushtet. E për këto kërkesa banorët këtu kishin mbajtur edhe dy protesta.
“Nënkalimi nevojitet për kalimin e personave të moshuar, gjithashtu dhe për personat më nevoja të veçanta kjo është arsyeja e parë ndërsa e dyta është se mbi kalimi në kohë më kushtet të këqija atmosferike sic është dimri është rrezikshme pasi është e rrëshqitshme” ka theksuar , Xhemajl Daci – Banor.
Ndërkohë banori tjetër, Zijadin Bushi ka thënë se “ nënkalimi është më i lehët dhe i përshtatshëm edhe për personat më nevoja të veçanta, poashtu dhe për personat e moshuar gjithashtu dhe për gratë më fëmije të vegjël të cilët janë më karroce”.
Ndërsa Kryetari i kësaj Komune Mehmet Ballazhi thotë se nga Ministria e Infrastrukturës kanë marrë premtim për zgjidhjen e këtij problemi.
“Zëvendës-ministri i Infrastrukturës ka qenë këtu dhe ka marrë pjesë dhe është takuar nënkryetari komunës së Hanit të Elezit, dhe kanë diskutuar për këtë çështje, gjithashtu ka premtuar që nga vendi i ngjarjes që për këtë do të bëjë zgjidhje”, ka thesksuar kryetari i i Hanit të Elezit, Mehmet Ballazhi.
Mirëpo Drejtori i Infrakos Zymer Zeka thotë se një vendkalim i ri nuk mund të bëhet, por se Infrakos mund të intervenoj duke e bërë mbikalimin ekzistues të kalueshëm për të gjithë.
“Me kërkesën e këshillit protestues dhe kryetarit të komunës, ne kemi mbajtur një takimi të përbashkët, ku ju kemi sqarua mundësit tonë nga ky projekt, që vetëm mbi kalimin ekzistues mund të bëjmë të kalueshëm”, kishte shtuar Zymer Zeka – UD Drejtor Infrakos.
RTV Dukagjini ka dërguar pyetje në drejtim të Ministrisë së Infrastrukturës, në lidhje me kërkesat e banorëve të Hanit të Elezit, mirëpo nga kjo ministri nuk kthyen përgjigje.
Banorët e kësaj komune kishin paralajmëruar protestë për të premten e javës së kaluar, mirëpo pas takimit me përfaqësues të komunës e Infrakosit, kjo protestë është anuluar.