Vladimir Putin beson se Rusia nuk është fajtore për luftën në Ukrainë, duke shtuar se të dyja vendet “po ndajnë një tragjedi”.
Gjatë një fjalimi televiziv me zyrtarë të lartë ushtarakë, presidenti rus tha se ai vazhdon ta shohë Ukrainën si një “komb vëllazëror”, shkruan BBC.
Ai pretendoi se konflikti ishte “rezultat i politikës së vendeve të treta” dhe jo për shkak të politikës ruse.
Teoria e cila nënkupton zgjerimin perëndimor është shkaku, është hedhur poshtë vazhdimisht jashtë Rusisë.
Presidenti Putin pretendoi se Perëndimi kishte “shpëlarë trurin” e republikave postsovjetike, duke filluar nga Ukraina.
Ai tha “Për vite me radhë u përpoqëm të ndërtonim marrëdhënie të mira fqinjësore me Ukrainën, duke ofruar kredi dhe energji të lirë, por nuk funksionoi”.
“Nuk ka asgjë për të na akuzuar. Ne i kemi parë gjithmonë ukrainasit si një popull vëllazëror dhe unë ende mendoj kështu.
“Ajo që po ndodh tani është një tragjedi, por nuk është faji ynë”.
Gjatë fjalimit, zyrtarët ushtarakë u zotuan ta vazhdojnë të ashtuquajturin “operacion special ushtarak” deri në vitin 2023.
Presidenti Putin shtoi se nuk kishte kufi për sasinë e parave që Rusia ishte e gatshme ta shpenzonte.
Ministri i Mbrojtjes, Sergei Shoigu, propozoi rritjen e kufirit të moshës për shërbimin e detyrueshëm ushtarak rus.
Sipas ligjit aktual, rusët e moshës 18-27 vjeç mund të thirren për shërbimin e detyrueshëm ushtarak – Z. Shoigu tani po propozon që kjo mbulon qytetarët e moshës 21-30 vjeç.
Shoigu njoftoi gjithashtu planet për të krijuar baza në dy qytete port – Berdyansk dhe Mariupol – të kapura gjatë ofensivës ruse.
Fjalimi erdhi derisa udhëheqësi ukrainas, Volodmyr Zelensky, udhëtoi për në SHBA.
Kjo është vizita e tij e parë jashtë Ukrainës që nga pushtimi i Rusisë 10 muaj më parë.