Qeveria e Kosovës: Përballja me përmbytjet nga shiu po vazhdon edhe sot

Përmes një komunikate për media, Qeveria e Kosovës ka bërë të ditur se përballja me përmbytjet nga të reshurat e shiut po vazhdon edhe të premten, kështu duke treguar gjendjen në disa fshatra dhe qytete të Kosovës pas vërshimeve

Foto ilustrim nga vërshimet në Kosovë

Qeveria e Kosovës ka deklaruar se përballja me përmbytjet e shkaktuara nga reshjet atmosferike po vazhdon edhe të premten e 20 janarit.

Qeveria ka treguar zonat më të prekura nga vërshimet.

“Deri më tani situatë më e vështirë është vërejtur në fshatrat Verboc dhe Barilevë të Komunës së Prishtinës, në fshatrat Sekiraq, Sibofc dhe Reçicë të Podujevës, në komunën e Skenderajt, në Istog, ku ka pasur edhe raste të evakuimit, të cilët janë akomoduar në Qendrën e Komunale të Mjekësisë Familjare, në Klinë, ku po ashtu janë evakuar mbi 40 famije, kurse në fshatin Shtaricë, falë ndërhyrjes së policisë dhe autoriteteve është shmangur një situatë e cila rrezikonte jetën e dy qytetarëve, në lagje të ndryshme të Komunës Jugore të Mitrovicës janë vërshuar, në Komunën Veriore të Mitrovicës, ku probleme më të theksuara janë paraqitur në Lagjen e Boshnjakëve ku janë rrezikuar 7 shtëpi, në Komunën e Zveçanit, ku janë rrezikuar 40 shtëpi, në fshatrat Kutnje dhe Kernin i poshtëm të komunës së Leposaviqit, ku 4 familje janë evakuar dhe 20 shtëpi janë në rrezik, ndërsa në Zubin Potok në rrezik janë 30 shtëpi”, thuhet në njoftimin e Qeverisë.

Tutje, thuhet se institucionet e vendit dhe mekanizmat e tyre kanë vazhduar punën pandërprerë në menaxhimin e situatës dhe në ndihmë të qytetarëve.

Ndërkaq, kryeministri i Kosovës, Albin Kurti së bashku me ministrin e Mbrojtjes, Armend Mehaj dhe ministrin e Administrimit të Pushtetit Lokal, Elbert Krasniqi vizituan komunën e Istogut.

Krahas 20 pjesëtarëve të FSK-së që po angazhohen për t’u dalë në ndihmë banorëve të fshatit Drejë, në Istog, Kurti është takuar edhe me kryetarin e kësaj komune, Ilir Ferati si dhe vizitoi qytetarët e evakuuar të cilët po qëndrojnë në Qendrën Kryesore të Mjekësisë Familjare.

“Erdha të shoh përmbytjet nga vërshimet e djeshme, Gjakova, Klina, Istogu, Podujeva, Mitrovica, Skenderaj, Peja kanë përjetuar përmbytje të cilat u kanë vështirësuar jetën”, ka deklaruar Kurti.

“Nuk ka të lënduar, në këtë fatkeqësi kanë pasur fat”, ka vijuar Kurti duke treguar për evakuimin e dy familjeve.

 

Shija e redaktorit

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Më të lexuarat

I shpallur në kërkim ndërkombëtar nga Gjermania, 25-vjeçari nga Kosova...

Një 25-vjeçar nga Kosova është ndaluar në Morinë, pasi ishte shpallur në kërkim ndërkombëtar nga Gjermania. Policia njofton se i riu me inicialet J. D,...

Qytetari tregon si i mbeti kamioni në barikada, tregon se...

Një qytetar ka treguar se si i ka mbetur kamioni në barrikadat e vendosura në Veri të Mitrovicës. Ai thotë se i maskuari, duke...

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Të fundit nga rubrika