Qeveria e Kosovës në mbledhjen e saj të radhës ka marrë vendim që të ndajë 4 milionë euro shtesë për subvencionimin e ndërtimit të shtëpive për komunitet pakicë në katër komunat veriore, në Mitrovicë të Veriut, Zveçan, Leposaviq dhe Zubin Potok.
Me këtë rast, ministri i Financave, Hekuran Murati, ka thënë se kjo është një kërkesë shtesë për të përmbushur nevojat që kanë qenë gjatë fazave të mëhershme nga komunitetet pakicë.
Kjo kërkesë është bërë nga Ministria e Administrimit të Pushtetit Lokal (MAPL) dhe subvencionim shtesë do të marrin komunitetet jo-shumicë, të cilat janë përfituese të projektit të MAPL-së për ndërtimin dhe renovimin e shtëpive.