Ministri i Shëndetësisë, Arben Vitia, ka bërë të ditur se qeveria ka siguruar një nga masat për mbështetjen shëndetësore të invalidëve të luftës.
“Sot, Qeveria mori vendim për të autorizuar Fondin e Sigurimeve Shëndetësore për t’ua mbuluar të gjitha shpenzimet e protezave invalidëve të luftës,” shkruan Vitia.
Sipas tij, ky trajtim mjekësor kryhet aktualisht jashtë institucioneve shëndetësore publike dhe ka të bëjë me ndërrimin, mirëmbajtjen dhe vendosjen e protezave për invalidët e luftës.
“Zgjidhja përfundimtare për të marrë këto shërbime brenda institucioneve publike përfshin edhe disa hapa të tjerë,” ka shtuar Vitia.
Ndërsa qeveria ka mbuluar me 2 milionë euro protezat e invalidëve të luftës.
“Këto hapa janë hartuar dhe po bëhen përgatitjet për to. Kostoja e tyre është rreth 2 milionë euro. Ato do të fillojnë nga zbatimi ndërkohë,” përfundoi ai.