Qeveria nuk tërhiqet për pagat e shtatorit, SBAShK-u paralajmëron masa

“Kush punon duhet të paguhet”, kështu ka deklaruar ministri i Financave, Hekuran Murati, duke mos lëvizur nga pozicioni për mos ekzekutimin e pagave të muajit shtator për mësimdhënësit. Por SBAShK-u, ka paralajmëruar mbledhje me anëtarësinë e saj për të diskutuar hapat tutje, derisa janë paralajmëruar edhe masa sindikale





5 tetori është Dita Ndërkombëtare e Mësuesve, por për këtë rast, nuk do të ketë ndonjë festë në shtëpitë e tyre, të paktën në Kosovë.

Greva që përfundoi në fundjavën e kaluar, me shumë gjasë do t’i lërë ata pa pagat e muajit shtator.

Ministri i Financave, Hekuran Murati, ka përsëritur qëndrimin se pagat do të ndahen për ata që punojnë.

“Sipas Ligjit, çka do që thotë ligji. Ligji thotë që, kush punon duhet të paguhet dhe patjetër që do ta respektojmë këtë obligim ligjor”, ka thënë Murati.

Lidhur me kërkesën e Ministrisë së Arsimit për dhënien e avansit për mësimdhënësit, kjo ministri nuk ka kthyer përgjigje në interesimin e RTV Dukagjinit.

Në pritje, deri në fund të orarit kanë mbetur edhe përfaqësuesit e mësimdhënësve, Sindikata e Bashkuar e Arsimit, dhe nuk përjashtohet asnjë opsion.

Për këtë, ata janë mbledhur gjatë ditës për të diskutuar hapat tutje.

“Me kontratën kolektive e cila është e nënshkruar edhe prej ministrisë së arsimit nuk guxon të ndëshkohet jo vetem anëtari i SBAShK-ut por edhe ata që nuk janë pjesë e SBAShK-ut nuk guxojnë të ndëshkohen në asnjë aspekt e as me pagë”, ka thënë Zenun Nimani nga SBAShK-u.

Për situatën e krijuar, ka reaguar edhe Asociacioni i Komunave, duke e quajtur të panevojshme qasjen e qeverisë, duke përsëritur thirrjet që pagat të procesohen.

 

 

 

 





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika