Qytetet më të shtrenjta në botë për vitin 2022

Bazuar në gjithçka, nga çmimi i qumështit deri te norma e inflacionit, Koreja e Jugut renditet e 10-ta në listën e "ECA International"

Seoul, Korea e Jugut

Kompania globale e lëvizshmërisë “ECA International” ka publikuar listën e saj vjetore të qyteteve më të shtrenjta në botë për të jetuar dhe, sërish, Hong Kongu ndodhet në krye të listës.

Në top 10 në këtë listë renditen pesë qytete nga kontinenti i Azisë, Hong Kong, Tokio, Shangai, Guangzhou dhe Seul.

Kompania llogarit listën bazuar në disa faktorë, çmimin mesatar të produkteve shtëpiake si qumështi dhe vaji i gatimit, qiraja, shërbimet komunale, tranziti publik dhe fuqia e monedhës vendase.

Lee Quane, drejtori rajonal i ECA-s për Azinë, shpjegoi arsyetimin për praninë në rritje të Kinës kontinentale në indeks.

“Shumica e qyteteve kontinentale kineze në renditjen tonë kanë norma më të larta inflacioni nga sa jemi mësuar të shohim, por ato janë ende zakonisht më të ulëta se kudo në Azi,” ka thënë Quane në një deklaratë.

“Prandaj, arsyeja kryesore për ngritjen e tyre në renditje, ka qenë fuqia e vazhdueshme e juanit kinez ndaj monedhave të tjera kryesore”, ka shtuar ai.

Hong Kong
Hong Kong

Pra, cilat qytete janë renditur më poshtë se në vitet e mëparshme?

Parisi, i cili ka kryesuar listën e ECA në të kaluarën, doli nga 30 vendet e para. Madridi, Roma dhe Brukseli ranë gjithashtu.

“Pothuajse çdo qytet i madh i Eurozonës pa një rënie në renditje këtë vit, pasi euro performoi më keq në 12 muajt e fundit sesa dollari amerikan dhe paundi britanik,” shpjegon Quane.

Faktorët e jashtëm si politika dhe konfliktet ndërkombëtare mund të luajnë, gjithashtu, një rol. Pushtimi rus i Ukrainës dhe sanksionet shoqëruese të vendosura nga shumë vende nënkuptonin që Moska u rendit në vendin e 62-të dhe Shën Petersburgu në vendin e 147-të.

Qyteti më i shtrenjtë i Evropës është Gjeneva e Zvicrës, e cila është në vendin e tretë pas Hong Kongut dhe Nju Jorkut. Zvicra përdor frangun zviceran në vend të euros.

Pandemia e koronavirusit, natyrisht, ka luajtur një rol në zinxhirët e furnizimit global dhe faktorë të tjerë ekonomikë.

“ECA International” nuk është e vetmja kompani që rendit qytetet e botës bazuar në ekonomi.

Njësia e Inteligjencës Ekonomike (EIU) me qendër në Londër, publikon indeksin e saj të kostos botërore të jetesës çdo dhjetor. Në vitin 2021, Tel Avivi mori çmimin për vendin më të kushtueshëm për të jetuar, me Parisin dhe Singaporin që barazojnë në vendin e dytë.

Hong Kongu ishte në vendin e pestë, pas Cyrihut. Në vitin 2020, Hong Kongu, Cyrihu dhe Parisi ndanë të gjithë përcaktimin e numrit një.

Sido që të jetë, pavarësisht renditjes së qyteteve në indekse të ndryshme, është e qartë se qytetet aziatike, evropiane dhe të Amerikës së Veriut janë shumë më të shtrenjta për të jetuar sesa homologet e tyre në Afrikë dhe Amerikën e Jugut.

Nju Jorku ishte i vetmi qytet i Amerikës së Veriut që u rendit në dhjetëshen e parë.

Lista e qyteteve më të shtrenjta në botë për vitin 2022 është si në vijim:

1. Hong Kong
2. New York
3. Geneva
4. London
5. Tokyo
6. Tel Aviv
7. Zurich
8. Shanghai
9. Guangzhou
10. Seoul

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika