Rama: Nuk jam i shqetësuar për armatosjen e Serbisë

Kryeministri i Shqipërisë, Edi Rama

Kryeministri i Shqipërisë, Edi Rama ka deklaruar se nuk ndihet i shqetësuar nga armatosja e fundit e Serbisë.

Të martën e 12 prillit, kryeministri Rama në një konferencë me gazetarët shqiptarë në Berlin, është shprehur se nuk përbën problem furnizimi i Serbisë me sistem mbrojtës.

”Nuk jam i shqetësuar për armatimin në fjalë. Nuk shoh se si një sistem mbrojtjeje nga raketat mund të jetë kërcënues’’, është shprehur Rama.

Sipas tij, është inkurajues fakti se Serbia ka marrë vendime kundër Rusisë në Organizatën e Kombeve të Bashkuara (OKB).

”Serbia ka bërë hapa inkurajues me të dyja votimet në Kombet e Bashkuara. Gjërat duhen parë në kontekst dhe vlerësimet duhen bërë pa harruar kontekstin’’, shtoi ndër të tjerash kryeministri.

Lidhur me një vizitë të mundshme në Kiev, Rama ka thënë se ka të tjerë personalitete para tij, që mund të bëjnë diçka të tillë.

Këtë intervistë, Rama e ka dhënë pas vizitës dy ditore në Gjermani ku u takua me kancelarin gjerman, Olaf Scholz dhe presidentin Frank-Walter Steinmeier.

Vizitë e cila u zhvillua me qëllimin e hapjes së negociatave të Shqipërisë me Bashkimin Evropian.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika