Kryeministri i Shqipërisë, Edi Rama, ka komentuar edhe zgjedhjen e kryetarëve të rinj të komunave veriore.
Rama ka thënë se kryetarët e komunave veriore janë duke qëndruar të mbyllur si Oso Kuka. Ai thotë se kryetarët kanë ardhur në pushtet vetëm me 1 për qind të votave.
“Çdo të thotë kjo që të mbajmë akoma disa kryetarë komunash të cilët janë zgjedhur me 1% të votave, që rrinë të mbyllur si Oso Kuka. Njëri rri atje me policë dhe është i burgosur faktikisht, sepse s’del dot as të marrë ajër. E të tjerët rrinë diku ku s’dihet ku janë dhe në ndërkohë që në tavolinë është plani franko-gjerman”, ka thënë Rama. /Euronews Albania
Rama në këtë intervistë ka diskutuar edhe për kryeministrin e Kosovës Albin Kurti, për të cilin ka thënë se është një mik që e çmon dhe e respekton, por si kryeministër nuk e mirëkupton.
“Albini është një person të cilin unë e çmoj, një mik që e respektoj, por në këtë rast është kryeministri i Kosovës të cilin unë nuk e mirëkuptoj”, ka thënë Rama.