Ambasada amerikane në Tiranë ka reaguar pas shkarkimit të Gledis Nanos si Drejtor i Përgjithshëm i Policisë së Shtetit.
Në postimin e Ambasadës amerikane në Tiranë thuhet se shprehin vlerësim për Gledis Nanos, i cili sipas tyre ishte një partner i fortë i Shteteve të Bashkuara, si drejtor i Policisë së Shtetit shqiptar dhe më parë, si drejtor i Zyrës kundër Terrorizmit.
Gjatë të mërkurës së 31 gushtit, ministri i Brendshëm i Shqipërisë Bledi Çuçi, ka njoftuar për largimin nga detyra për Gledis Nanon, duke ia lënë përkohësisht detyrën e drejtimit të Policisë, nëndrejtorit Tonin Vocaj.
“Sot qeveria mori vendim për shkarkimin e Drejtorit të Përgjithshëm të Drejtorisë së Policisë, shkarkim i cili lidhet me mospërmbushjen e objektivave që kishim vënë në lidhje me Drejtorin e Përgjithshëm të Policisë dhe kryesisht lidhet me situatën e krijuar në muajt e fundit, situatë që normalisht kërkon një reagim më të fortë dhe një menaxhim më efikas të Policisë së Shtetit”, thuhet në postimin e ambasadës në Twitter.
Tutje thuhet se detyrat do t’iu ushtrohen nëndrejtorit të përgjithshëm të policisë.