Deputetja e Kuvendit të Kosovës, Albena Reshitaj, ka thënë se Projektligji për shëndetin riprodhues dhe fertilizim të asistuar ka shumë probleme.
Ajo në “Debat Plus” tha se lindja e fëmijës me metodën IVF mund të dërgojë deri te incesti.
“A e dini çka ndodh nëse fëmijës pas moshës 18-vjeçare që është krijuar nga IVF nuk e njeh prindin gjenetik, duke pasur parasysh çfarë e kemi numrin e popullsisë dhe duke u zvogëluar popullata/ Probabiliteti i martesës së një vëllai me motër është shumë i madh”, tha ajo.
Ajo tha se kjo është tejet shqetësuese.
“Krijimi i mundësisë për të pasur martesa mes vëllait dhe motrës, pastaj për të pasur fëmijë me anomali kongjenitale është shumë e madhe. Për mua është një Hiroshimë dhe Nagasaki”, u shpreh Reshitaj.