Seriali i famshëm Black Mirror, do të rikthehet për sezonin gjashtë. Tashmë është shfaqur edhe traileri i tij, ku shihen një sërë aktorësh të rinj, që do të jenë pjesë e kastit.
Në sezonin e gjashtë të antologjisë distopike të Charlie Brooker dhe Annabel Jones do të shfaqen: Aaron Paul, Anjana Vasan, Annie Murphy, Auden Thornton, Ben Barnes, Clara Rugaard, Daniel Portman, Danny Ramirez, Himesh Patel dhe John Hannah.
Josh Hartnett, Kate Mara, Michael Cera, Monica Dolan, Myha’la Herrold, Paapa Essiedu, Rob Delaney, Rory Culkin, Salma Hayek Pinault, Samuel Blenkin dhe Zazie Beetz do të luajnë gjithashtu.
Duke folur për sezonin e ri, Brooker tha se sezoni i ri do të marrë një formë tjetër nga ajo që ka ndodhur më parë.
Ai i tha faqes Netflix, Tudum: “Gjithmonë kam ndjerë se Black Mirror duhet të shfaqë histori që janë krejtësisht të ndryshme nga njëra-tjetra dhe të vazhdojnë të befasojnë njerëzit (dhe veten time), ose përndryshe cila është qëllimi? Duhet të jetë një seri që nuk mund të përkufizohet lehtë dhe mund të vazhdojë të rishpik veten.
“Pra, pjesërisht si një sfidë dhe pjesërisht për t’i mbajtur gjërat të freskëta si për mua ashtu edhe për shikuesin, e nisa këtë sezon duke përmbysur qëllimisht disa nga supozimet e mia thelbësore se çfarë të pres.
Seriali filloi në Channel 4 në 2011 dhe u zhvendos në Netflix pas dy sezoneve dhe një speciale për Krishtlindje. Sezoni i gjashtë do të jetë i pari që nga viti 2019.