Një bashkëpunim i rrallë ka ndodhur nga dy artistë që vijnë nga Malta. Ata do të ndërhyjnë në veprat artistike të njëri-tjetrit.
Silvana Camilleri dhe Charles Vassallo janë artistët që kane nisur një partneritet artistik që e mban të përcaktuar mirë individualitetin dhe autorësinë e tyre, njofton Times Malta.
Ndërsa, Vassallo është fotografi që ofron fotot njëngjyrëshe, shabllonin origjinal për bashkëpunimin, Camilleri ndërhyn në mënyrë pikturore dhe ‘ngjyros’ printet origjinale me akrilik, duke rishikuar disi teknikën që ishte në modë dekada më parë, para ardhjes së fotografisë me ngjyra.
Në ditët e sotme, ky ngjyrim i fotografive dhe pamjeve të vjetra ka parë një ringjallje, të ndihmuar përmes ndihmës klinikisht të saktë të teknologjisë dixhitale. Shpesh ndeshemi me fotografi me ngjyra digjitale të Claude Monet ose Pierre August Renoir personalisht dhe me ngjyra të plota, duke mjegulluar kështu linjat midis shekujve; kjo është mjaft çorientuese për shikuesin që është mësuar t’i shohë të njëjtat imazhe të zymta dhe të zverdhura përmes agjenturës së kohës.
Babai i Vassallo, Karmenu, i cili ishte gjithashtu një fotograf profesionist, përdori teknikën e ngjyrosjes për të gjallëruar punën e tij njëngjyrëshe, në një përpjekje për ta bërë atë më realiste dhe për ta hequr atë nga solemniteti i dokumentacionit aktual statik.
Dy artistët maltezë kanë titulluar ekspozitën e tyre Ritrarti, ky është një koncept që e kanë shpikur nga fjalët “Ritratti” dhe “arti”.
Kjo ekspozitë ka të bëjë me bashkimin, duke integruar dy forma arti dhe duke dalë me një hibrid.
Në Ritrarti ka një dimension të dyfishtë: vepra fillestare, fotografia e pastër, është pika e nisjes, ideja apo emocioni i parë i këputur nga Vassallo. Rrëfimi rrjedh në një drejtim të caktuar si një dokumentacion i sinqertë i një ngjarjeje, personi ose ndërveprimi. Ajo ekziston në mënyrë të pavarur si një vepër e vetëkuptueshme.
Megjithatë, ndërhyrja e Camillerit me ngjyrën shton një shtresë tjetër, atë të këndvështrimit dhe shprehjes së artistes pamore, rezultat i bagazhit të saj dhe njohurive të akumuluara.
Këto dy narrativa ose perspektiva të ndryshme bashkohen më njëra-tjetrën, duke na dërguar drejt një pikëpamje të re. Këtu mund të bëjmë një lidhje me filozofin antik Herakliti i cili thoshte se nga instancat e kundërta vjen zhvillimi.
Por, në Ritrart këto dy narativa nuk janë për të hedhur poshtë njëra-tjetrën, por për të kompletuar diçka, duke na dërguar në një sintetizim të të dy artistëve, dhe në një sintezë të artit që na dhuron emocione më të forta.
Produkti përfundimtar është rezultat i dialogut të hapur mes dy artistëve që kanë besim në aftësitë e njëri-tjetrit për të krijuar një diskurs alternativ, duke kapërcyer një hendek konceptual brezash midis 45-vjeçares Camilleri dhe 70-vjeçares Vassallo.
Ritaarti është një tentativë për të bashkuar dy forma arti dhe për të eksploruar forma të reja harmonike.