Probleme politike mes Kosovës dhe Serbisë ka me bollëk, por situata ndryshon kur vije puna tek biznesi.
Kjo pasi që shkëmbimi tregtar mes dy shteteve është shumë i madh e ku dominojnë importet që Kosova bënë nga Serbia.
Por, një gjë të tillë po e kritikon ish kryeministri Avdullah Hoti.
Madje ai përmes një shkrimi në Facebook, ka thënë se Serbia është kthyer në partnerin kryesor tregtar të Kosovës.
Gjatë vitit 2022, shkaku i inflacionit ka ulje të importit nga të gjitha vendet e Ballkanit Përendimor por jo edhe nga Serbia.
Kjo ka qenë shkas, që ish-kryeminitri i Kosovës, Avdullah Hoti të ngrit pikëpyetje për Qeverin aktuale, që dikur rrokulliste maunet më produkte nga Serbia.
“Nëse e analizojmë tregtinë me vendet e Ballkanit Perëndimor, shohim se importet me të gjitha këto vende janë ulur pa përjashtim, përveç me Serbinë. Dikush mund të thotë se tregtia është e lirë dhe ajo i përcakton importet dhe eksportet. Dakord jam me këtë. Por tregtia e lirë ka ekzistuar edhe në vitet kur këta që sot qeverisin i rrotullonin kamionët me mallra nga Serbia”, ka thënë Hoti.
Fajtor për këtë situatë Qeverinë aktual po e bënë edhe ekonomisti, Mustafë Kadriaj.
Sipas tij, shkak për këtë është dhe in formaliteti në Veri të vendit.
“ Qeveria aktuale sot nuk po bënë asgjë, është deklaruar se do të merr masa drejt taksave e reciprocitetit më Serbinë, derisa në shohimë se kemi rritje me import nga Serbia. Kjo është një boomerang. Janë edhe transporti edhe çmimet ato që ndikojnë tek rritja e produkteve serbe brenda Kosovës. Kemi një informalitetë me Veriun e Kosovës dhe nga atje hynë produktet edhe formale edhe jo formale”, ka Kadriaj.
Rritja e importit nga shteti Serbë në Kosovë, është edhe për shkak të një faktori tjetër.
“Arsyeja kryesore është afërsia e Serbisë më Kosovën, ju keni qenë dëshmitarë të ngritjes së çmimeve të karburanteve dhe shtetet më të largta, shkaku I transportit është pak ma problem me marr produkte nga shtetet e tjera. Serbia është më aferë dhe kjo mundët më qenë arsyeja”, tha ish-drejtori i Doganës, Naim Huruglica.
Sipas Agjencisë së Statistikave të Kosovës, deri në fund të tetorit të këtij viti, Kosova ka importuar mbi 310 milionë euro mallra nga Serbia.