Selmanaj i LDK-së: Në vendet demokratike hajnat i mbron avokati, në Kosovë i mbron kryeministri

"Në vendet demokratike, hajnat dhe shkelësit e ligjit, i mbron dhe i përfaqëson avokati. Në Kosovën tonë, i mbron dhe i përfaqëson Kryeministri dhe qeveria e tij. Në vendet demokratike hajnat dhe shkelësit e ligjit, i ndjekë dhe i akuzon prokuroria. Në Kosovën tonë, prokurorët dhe organet ndjekëse, i linqon dhe i sulmon Kryeministri dhe qeveria e tij"

Deputeti i LDK-së, Driton Selmanaj

Deputeti LDK-së, Driton Selmanaj, ka kritikuar kryeministrin e Kosovës, Albin Kurtin, pasi ky i fundit ishte i ashpër ndaj prokurorëve të Prokurorisë Special.

Kurti para disa ditësh ka komentuar aksionet e Policisë së Kosovës në tri lokacione, ku u arrestuan dy zyrtarë të Ministrisë Industrisë, Ndërrmarrësisë dhe Tregtisë, Ministri kjo e udhëhequr nga Rozeta Hajdari. I arrestuar i tretë është një biznesmen nën dyshimet për “dallavere” me rezervat shtetërore.

Kurti kishte thënë se qeverisja e tij i prodhon si fituesit, ashtu edhe humbësit e saj. Sipas tij, humbësit i gjen tek “elita e vjetër dhe korruptuar politike”, të gjykatësit, prokurorët dhe të mediat e keqpërdoruara.

Kurse, sipas deputetit të LDK-së, në vendet demokratike hajnat dhe shkelësit i mbron dhe i përfaqëson avokati, ndërsa në Kosovë, kryeministri.

“Në vendet demokratike, hajnat dhe shkelësit e ligjit, i mbron dhe i përfaqëson avokati. Në Kosovën tonë i mbron dhe i përfaqëson kryeministri dhe qeveria e tij”, ka shkruar Selmanaj.

Më tej, Selmanaj ka thënë se në vendet demokratike hajnat dhe shkelësit e ligjit i ndjek dhe i akuzon Prokuroria, kurse në Kosovë, Prokuroria linçohet dhe sulmohet nga kryeministri dhe qeveria e tij.

“Në vendet demokratike hajnat dhe shkelësit e ligjit i ndjek dhe i akuzon Prokuroria. Në Kosovën tonë, prokurorët dhe organet ndjekëse i linçon dhe i sulmon kryeministri dhe qeveria e tij. E papranueshme, e dënueshme, e gërditshme!”, ka shtuar Selmanaj.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika