Deputeti i Kuvendit të Kosovës nga Lidhja Demokratike Kosovës (LDK), Driton Selmanaj, ka reaguar pas deklaratave të deputetit nga Lëvizja Vetëvendosje, Haki Abazi. Sipas Selmanajt, duhet në mënyrë urgjente të hetohen pretendimet e Abazit.
“Duam transparencë. Duam hetim të pavarur. Fshehja nuk kalon. Mashtrimi assesi. Populli i Kosovës duhet ta dijë të vërtetën!”.
“Mos i vrisni provat, mos e vrisni të vërtetën! Njëherit, e dënojmë fshehjen e mundur të incizimit të këtij rasti të rëndë nga ministrja e Drejtësisë. Po ashtu, e dënojmë fuqishëm heshtjen e kryeministrit për këtë ngjarje të fshehur e të tmerrshme”, ka shkruar në Facebook Selmanaj.
Më tej, ai ka kërkuar që incizimet e pretenduar nga deputeti i LVV-së, Haki Abazi, të publikohen.
“Kërkojmë që sa më parë të publikohen incizimet e përmendura të deputetit të pushtetit, që i përmendi sot në konferencë për shtyp”, ka përfunduar deputeti nga LDK-ja.