Pas miratimit nga Asambleja e Përgjithshme e OKB-së së Rezolutës që shpall 11 korrikun Ditë Ndërkombëtare të Përkujtimit të Viktimave të Gjenocidit në Srebrenicë, krerët e shtetit serb kanë nisur të bëjnë atë që dinë ta bëjnë më së miri; të vajtojnë dhe dramatizojnë gjendjen e tyre karshi botës.
Mediet e afërta me pushtetin në Serbi, Rezolutën e Serbisë e quajnë si “rezolutë të turpit”, kurse presidenti serb, Aleksandër Vuçiq, në fjalën tij në OKB ka thënë se bëhet fjalë për një “rezolutë shumë të politizuar”.
Si, Vuçiq, i cili gjendej në OKB edhe Qeveria e Serbisë në krye me Millosh Vuçeviçin, u mbështjellën me flamurin serb.
“Mbështetje për presidentin Vuçiq në luftën e pamëshirshme për popullin dhe vendin tonë”, ka shkruar Vuçeviç në Instagram.
Në Serbi pretendojnë se disa shtet ua ngulën thikën pas shpine dhe sipas Vuçiqit, më këtë votim u panë miqtë e vërtetë të Serbisë.
E Gjermania, si njëra nga sponzorizueset kryesore të kësaj rezolute, po cilësohet nga politika dhe mediet e Beogradit si “kërcënuese” ndaj shteteve të tjera.
View this post on Instagram