Në Serbi të premten e nëntë qershorit do të mbahet protesta e radhës kundër regjimit të qeverisë të dirigjuar nga presidenti serb, Aleksandar Vuçiq.
Rruga e protestës së radhës do të jetë nga Kuvendi i Serbisë, duke kaluar parkun Tashmajdan deri në Fakultetin Juridik, prej nga do të zbresë nga rruga e Beogradit deri në Slavije dhe më pas në rrugën Nemanja në Qeverinë e Serbisë, rreth së cilës do të bëhet një unazë.
Qytetarët do të mund të përgatisin mesazhe për Ministrinë e Arsimit, pranë së cilës do të kalojnë, por edhe për të gjithë Qeverinë.
Siç u tha në konferencën për media, në fokus të protestës së radhës do të jetë arsimi për, siç thanë ata, planin e paralajmëruar në mënyrë kaotike për fundin e vitit shkollor.
Deputetët e opozitës thanë se organizatorët nuk po heqin dorë nga kërkesat që u bënë në protestën e parë “Serbia kundër dhunës”.