Shala akuzon ministrin Murati se ka ndarë mbi 757 mijë euro për pagat në AKP

Deputeti i Partisë Demokratike të Kosovës, Ferat Shala, e ka akuzuar ministrin e Financave, Hekuran Murati, se ka ndarë heshturazi mbi 757 mijë euro për pagat në AKP

Deputeti i PDK-së, Ferat Shala

Deputeti i Partisë Demokratike të Kosovës (PDK), Ferat Shala, e ka akuzuar ministrin e Financave, Hekuran Murati, që sipas tij me vendim të veçantë i ka ndarë Agjencisë Kosovare të Privatizimit mbi 757 mijë euro për paga.

Sipas tij, këto mjete janë ndarë “për të mbuluar vendimin e kontestuar për zvogëlimin e pagave të punëtorëve të nxjerrë nga Bordi i AKP-së”.

“Ministri Hekuran Murati me vendim të veçantë i ndan AKP-së 757.802 euro për paga dhe mëditje, për muajt Nëntor-Dhjetor 2022”, ka shkruar ai në Facebook.

“Si rezultat i lojërave propagandistike, për dy muajt e fundit, heshturazi, AKP dhe Hekuran Murati ishin dakorduar që ky i fundit të ndajë edhe 757.802 euro, për të mbuluar vendimin e kontestuar për zvogëlimin e pagave të punëtorëve të nxjerra nga Bordi i AKP-së”, shtoi ai.

E vërteta, sipas Shalës, del që AKP gjatë tërë vitit 2022 ka realizuar pagat e njëjta, pa i zbritur ato fare.

“Në vitin kur të gjithë ne pritnim shuarjen e AKP-së, Qeveria dhe bordi i AKP-së kishin nxjerrë rregullore të re dhe kishin miratuar vendimin për uljen e pagave”.

Shala ka theksuar se bordi i AKP-së po vazhdon shitjen e aseteve nacionale, me të njëjtën metodologji, me të njëjtën praktikë, pa ndryshuar asgjë nga praktikat e kaluara.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika