Demush Shasha nga Instituti Epik ka thënë se nesër do të nënshkruhet akti ligjor i miratimit të liberalzimit të vizave nga dy bashkëligjvënës, nga presidentja e Parlamentit Evropian dhe nga përfaqësuesi i Presidencës së Këshillit Evropian dhe do të botohet në gazetën zyrtare.
Shasha ka thënë se nuk mund të dalë ndonjë pengesë në këtë rrugëtim.
Ndërsa për meritat në këtë proces, Demush Shasha ka thënë se integrimi evropian duhet të ruhet “me xhelozi” nga debatet ndërpartiake.
Shasha ka thënë tutje se shumica e kritereve për liberalizimin e vizave (94 prej tyre) janë përmbushur nga qeveritë para qeverisë aktuale dhe se “patjetër” i takojnë meritat dhe qeverive të kaluara.
“Ka ekzistuar një problem pse Kosova nuk ka fituar liberalizimin e vizave dhe patjetër një nga problemet kyçe që BE-ja ka nënvizuar në vazhdimësi ka qenë sundimi i ligjit”, ka theksuar Shasha në “FIVE” të RTV Dukagjinit.
“Është një storie me të cilën të gjithë duhet të jenë krenarë me punën që e kanë bërë dhe një storie që duhet të na përbashkojë dhe jo të na ndajë”, ka potencuar Demush Shasha.